ಈ ಸ್ಮಾರ್ಟ್ ಯುಗದಲ್ಲಿ ನಾವು ಸ್ಮಾರ್ಟ್‌ಫೋನ್‌ಗಳ ಮೇಲೆ ಹೆಚ್ಚು ಅವಲಂಬಿತರಾಗಿರುವುದರಿಂದ, ಅವುಗಳು ಕಾರ್ಯಕ್ಷಮತೆಯ (ಫೋನ್ ಸ್ಲೋ) ಸಮಸ್ಯೆಗಳನ್ನು ಹೊಂದಿರುವಾಗ ಸಾಕಷ್ಟು ಕಿರಿಕಿರಿ ಉಂಟಾಗುತ್ತದೆ.
ಸ್ಮಾರ್ಟ್ಫೋನ್ ನಮ್ಮ ದೈನಂದಿನ ಜೀವನದಲ್ಲಿ ನಿರ್ಣಾಯಕ ಅಂಶವಾಗಿದೆ. ಆದರೂ, ಹೆಚ್ಚಿನ ಸಂದರ್ಭಗಳಲ್ಲಿ, ನಮ್ಮ ಮೊಬೈಲ್ ಸಾಧನದ ವೇಗವು ನಾವು ಇನ್ ಸ್ಟಾಲ್ ಮಾಡಿದ ಅಪ್ಲಿಕೇಶನ್‌ಗಳಿಂದ, ಭಾರೀ ಗ್ರಾಫಿಕ್ ಬಳಕೆಯಿಂದಾಗಿ ಅಥವಾ ಇತರ ಕಾರಣಗಳಿಗಾಗಿ ನಿಧಾನಗೊಳ್ಳುತ್ತದೆ. ಇದರಿಂದ ಸಿನಿಮಾಗಳನ್ನು ಡೌನ್‌ಲೋಡ್ ಮಾಡಲು ಮತ್ತು ಅಪ್ಲಿಕೇಶನ್ ಇನ್ ಸ್ಟಾಲ್ ಮಾಡಲು ಬಹಳ ಸಮಯ ತೆಗೆದುಕೊಳ್ಳುತ್ತದೆ. ಈ ಆಧುನಿಕ ಯುಗದಲ್ಲಿ ನಮ್ಮ ಅಗತ್ಯಕ್ಕಿಂತ ಹೆಚ್ಚಾಗಿ ಸ್ಮಾರ್ಟ್ ಫೋನ್ ತಂತ್ರಜ್ಞಾನದ ಮೇಲೆ ಅವಲಂಬಿತವಾಗಿರುವುದರಿಂದ, ನಮ್ಮ ಸ್ಮಾರ್ಟ್ ಫೋನ್ (ಫೋನ್ ಸ್ಲೋ)ನಿಧಾನವಾಗಿ ಕೆಲಸ ಮಾಡಿದರೆ ಆಗುವ ಕಿರಿಕಿರಿ ಅಷ್ಟಿಷ್ಟಲ್ಲ. ಆದ್ದರಿಂದ, ನಿಮ್ಮ ಸ್ಮಾರ್ಟ್ಫೋನ್ ತುಂಬಾ ಸ್ಲೋ ಆಗಿದೇ ಎಂದು ನಿಮಗೆ ಅನ್ನಿಸಿದರೆ ಈ ಲೇಖನ ಸಹಾಯಕವಾಗಬಹುದು.
ಬಳಕೆದಾರರು ಈಗ ತಮ್ಮ ಮೊಬೈಲ್ ಗಳಿಗೆ ದೊಡ್ಡ ಡೇಟಾ ಸಾಮರ್ಥದ ಗೇಮ್ಸ್ ಮತ್ತು ಮೂರನೇ ವ್ಯಕ್ತಿಯ ಅಪ್ಲಿಕೇಶನ್‌ಗಳಂತಹ ಪ್ರೋಗ್ರಾಂಗಳನ್ನು ಡೌನ್‌ಲೋಡ್ ಮಾಡುತ್ತಾರೆ. ಅವುಗಳ ಜೊತೆಗೆ, ಸಾಮಾಜಿಕ ನೆಟ್‌ವರ್ಕ್‌ಗಳು ಮತ್ತು ಸಂದೇಶ ಕಾರ್ಯಕ್ರಮಗಳು ಸ್ಮಾರ್ಟ್‌ಫೋನ್‌ಗಳಲ್ಲಿ ಮೆಮೊರಿಯನ್ನು ಬಳಸುತ್ತವೆ ಇದರಿಂದ ಮೊಬೈಲ್ ಸ್ಲೋ ಆಗುತ್ತದೆ. ಸ್ಮಾರ್ಟ್ ಫೋನ್ ನ್ನು ಕಾಲಕಾಲಕ್ಕೆ ಅಪ್ ಡೇಟ್ ಮಾಡದಿದ್ದರೂ ಈ ಸಮಸ್ಯೆ ಉಂಟಾಗಬಹುದು. ಇವುಗಳ ಜೊತೆಗೆ ವಿವಿಧ ಕಾರಣಗಳಿಂದಾಗಿ ಫೋನ್ ನಿಧಾನವಾಗಬಹುದು.
ಮೊಬೈಲ್ ಸ್ಟೋರೇಜ್ ಗಮನಿಸಿ
ಹೆಚ್ಚಿನ ಜನರು ಇಂದು 16GB, 32GB, ಅಥವಾ 128GB ಮೆಮೊರಿಯ ಸ್ಮಾರ್ಟ್‌ಫೋನ್‌ಗಳನ್ನು ಬಳಸುತ್ತಾರೆ. RAM ಅನ್ನು ತುಂಬಲು ಪ್ರಯತ್ನಿಸುವ ಮೊದಲು ಎರಡು ಬಾರಿ ಯೋಚಿಸಿ. ಏಕೆಂದರೆ ಹೆಚ್ಚಿನ ಸ್ಟೋರೇಜ್ ಹೊಂದಿರುವ ಫೋನ್‌ಗಳು ಆಯಂಗ್ ಆಗುತ್ತವೆ. ಆದ್ದರಿಂದ, ನಿಮ್ಮ ಸ್ಮಾರ್ಟ್ಫೋನ್ ಅರ್ಧಕ್ಕಿಂತ ಕಡಿಮೆ ಮೆಮೊರಿಯನ್ನು ಹೊಂದಿರಬೇಕು.
ಅಪ್ಲಿಕೇಶನ್ ಬಳಕೆ ಕಡಿಮೆ ಇರಲಿ
ಸ್ಮಾರ್ಟ್‌ಫೋನ್‌ಗಳು ಹಲವಾರು ಅಪ್ಲಿಕೇಶನ್ಗಳನ್ನು ಏಕಕಾಲದಲ್ಲಿ ಚಲಾಯಿಸುವ ಸಾಮರ್ಥ್ಯವನ್ನು ಹೊಂದಿದ್ದರೂ ಸಹ, ಹಾಗೆ ಮಾಡುವುದರಿಂದ ಫೋನ್ ನಿಧಾನವಾಗುತ್ತದೆ. ಆದ್ದರಿಂದ, ಹಲವಾರು ಅಪ್ಲಿಕೇಶನ್ಗಳನ್ನು ಏಕಕಾಲದಲ್ಲಿ ಬಳಸುವುದನ್ನು ತಪ್ಪಿಸುವುದು ಉತ್ತಮ. ಇಲ್ಲದಿದ್ದರೆ ನಿಮ್ಮ ಸ್ಮಾರ್ಟ್ಫೋನ್ ಸ್ಲೋ ಆಗುವುದನ್ನು ತಡೆಯಲು ಯಾರಿಂದಲೂ ಸಾಧ್ಯವಾಗುವುದಿಲ್ಲ.
ಅಪ್‌ಡೇಟ್‌ ಮಾಡಿ
ಸ್ಮಾರ್ಟ್ಫೋನ್ ಆಪರೇಟಿಂಗ್ ಸಿಸ್ಟಮ್ ಅನ್ನು ಹೆಚ್ಚಾಗಿ ಅಪ್‌ಡೇಟ್‌ ಮಾಡಬೇಕಾಗುತ್ತದೆ. ಓಎಸ್ ಕಾಲಕಾಲಕ್ಕೆ ಅಪ್ ಡೇಟ್ ಕೇಳುತ್ತದೆ ಈ ಸಮಯದಲ್ಲಿ ನಾವು ಮೊಬೈಲ್ ನ್ನು ಮಾಡಿದಾಗ ಗರಿಷ್ಠ ವೇಗವನ್ನು ನಿರ್ವಹಿಸುತ್ತದೆ ಮತ್ತು ಹೊಸ ವೈಶಿಷ್ಟ್ಯಗಳು ಸಹ ಪ್ರವೇಶಿಸಬಹುದಾಗಿದೆ. ಈ ಸ್ಟೆಪ್ಸ್ ಫಾಲೋ ಮಾಡಿ, Settings > System > About Phone > System Update.
ಹೋಮ್ ಸ್ಕ್ರೀನ್ ನ್ಯಾವಿಗೇಷನ್
ತಮ್ಮ ಸ್ಮಾರ್ಟ್‌ಫೋನ್‌ಗಳಲ್ಲಿ, ಕೆಲವು ವ್ಯಕ್ತಿಗಳು ಪ್ರಾಥಮಿಕವಾಗಿ ವಿಜೆಟ್‌ಗಳು ಮತ್ತು ಲೈವ್ ವಾಲ್‌ಪೇಪರ್‌ಗಳನ್ನು ಬಳಸುತ್ತಾರೆ. ಆದಾಗ್ಯೂ, ಇದು ಅನಿವಾರ್ಯವಾಗಿ ಸ್ಮಾರ್ಟ್‌ಫೋನ್‌ನ ಬ್ಯಾಟರಿಯನ್ನು ಖಾಲಿ ಮಾಡುತ್ತದೆ ಮತ್ತು ಅದರ ಕಾರ್ಯಕ್ಷಮತೆಯನ್ನು ನಿಧಾನಗೊಳಿಸುತ್ತದೆ. ಆದ್ದರಿಂದ, ಹೋಮ್ ಸ್ಕ್ರೀನ್‌ನಲ್ಲಿ ಹಲವಾರು ವಿಜೆಟ್‌ಗಳು ಮತ್ತು ಲೈವ್ ವಾಲ್‌ಪೇಪರ್‌ಗಳನ್ನು ಬಳಸುವುದನ್ನು ತಡೆಯಿರಿ.
ಅಪ್ಲಿಕೇಶನ್ ಹಿನ್ನೆಲೆ
ಮೊಬೈಲ್ ಗಳಲ್ಲಿ ಬಹಳಷ್ಟು ಅಪ್ಲಿಕೇಶನ್ಗಳನ್ನು ಇನ್ ಸ್ಟಾಲ್ ಮಾಡಿಕೊಂಡಿರುತ್ತೇವೆ. ಅವುಗಳಲ್ಲಿ ಕೆಲವನ್ನು ಬಳಸಿ ಮಿನಿಮೈಸ್ ಮಾಡಿರುತ್ತೇವೆ. ಈ ಸಮಯದಲ್ಲಿ ಆ ಅಪ್ಲಿಕೇಶನ್ ಗಳನ್ನು ಬ್ಯಾಗ್ ರೌಂಡ್ ನಲ್ಲಿ ಕಾರ್ಯನಿರ್ವಹಿಸುತ್ತಿರುತ್ತವೆ. ಆದ್ದರಿಂದ ಈ ಚಾಲನೆಯಲ್ಲಿರುವ ಅಪ್ಲಿಕೇಶನ್ಗಳನ್ನು ನಿಲ್ಲಿಸುವ ಮೂಲಕ ಸ್ಮಾರ್ಟ್‌ಫೋನ್‌ನ ಕಾರ್ಯಕ್ಷಮತೆಯೂ ಹೆಚ್ಚಿಸಬಹುದಾಗಿದೆ.
ಅನಗತ್ಯ ಫೈಲ್‌ಗಳನ್ನು ಅಳಿಸಿ
ಅನಗತ್ಯ ಫೈಲ್‌ಗಳನ್ನು ಹೊಂದಿದ್ದರೆ ನಿಮ್ಮ ಸ್ಮಾರ್ಟ್‌ಫೋನ್‌ನ ಜೀವಿತಾವಧಿಯನ್ನು ಕಡಿಮೆ ಮಾಡಬಹುದು. ನಿಮ್ಮ ಫೋನ್‌ನಲ್ಲಿರುವ ಫೈಲ್‌ಗಳನ್ನು ವಾಡಿಕೆಯಂತೆ ಅಳಿಸಲು ಆಂಟಿವೈರಸ್ ಪ್ರೋಗ್ರಾಂ ಅನ್ನು ಬಳಸಿ. ಸೆಟ್ಟಿಂಗ್‌ಗಳ ಮೆನುವನ್ನು ಪ್ರವೇಶಿಸಲು ಮತ್ತು ವಾರಕ್ಕೊಮ್ಮೆ ಕಾಣಿಸಿಕೊಳ್ಳುವ ಸಂಗ್ರಹವನ್ನು ತೆರವುಗೊಳಿಸಲು ನೀವು ನೆನಪಿಸಿಕೊಂಡರೆ ಫೋನ್‌ನ ಕಾರ್ಯಕ್ಷಮತೆಯು ಹೆಚ್ಚಾಗುತ್ತದೆ.
ಡೇಟಾ ಮೋಡ್ ಆನ್ ಮಾಡಿ
ಸ್ಮಾರ್ಟ್‌ಫೋನ್‌ಗಳಲ್ಲಿ, ಕ್ರೋಮ್ ಹೆಚ್ಚು ಬಳಸುವ ಬ್ರೌಸರ್ ಆಗಿದೆ. ಈ ಬ್ರೌಸರ್ ಡೇಟಾ ಸೇವರ್ ಆಯ್ಕೆಯನ್ನು ಹೊಂದಿದೆ. ನೀವು ಸಕ್ರಿಯಗೊಳಿಸಿದರೆ ನಿಮ್ಮ ಫೋನ್ ವೇಗವಾಗಿ ರನ್ ಆಗುತ್ತದೆ ಮತ್ತು ಕಡಿಮೆ ಮೊಬೈಲ್ ಡೇಟಾವನ್ನು ಬಳಸುತ್ತದೆ. ಹೆಚ್ಚು ಪುಟಗಳು ಹೆಚ್ಚು ವೇಗವಾಗಿ ಮತ್ತು ಕಡಿಮೆ ಡೇಟಾದೊಂದಿಗೆ ಲೋಡ್ ಆಗುತ್ತವೆ. ಹೆಚ್ಚುವರಿಯಾಗಿ, ಚಲನಚಿತ್ರವನ್ನು ವೀಕ್ಷಿಸಲು ಕಡಿಮೆ ಡೇಟಾವನ್ನು ಬಳಸುತ್ತದೆ.
ಆಟೋ ಸಿಂಕ್ ಆಫ್ ಮಾಡಿ
ಸ್ಮಾರ್ಟ್‌ಫೋನ್‌ಗಳಲ್ಲಿ ಆಟೋ ಸಿಂಕ್ ಆಯ್ಕೆಯನ್ನು ಹೆಚ್ಚಾಗಿ ಆನ್ ಮಾಡಲಾಗುತ್ತದೆ. ಇದರಿಂದ ಫೋನ್ ಸ್ಲೋ ಆಗುವ ಸಾಧ್ಯತೆಯೂ ಹೆಚ್ಚು. ಹೀಗಾಗಿ ಸ್ವಯಂ ಸಿಂಕ್ ವೈಶಿಷ್ಟ್ಯವನ್ನು ನಿಷ್ಕ್ರಿಯಗೊಳಿಸಲು ಬಳಕೆದಾರರಿಗೆ ಸಲಹೆ ನೀಡಲಾಗುತ್ತದೆ. ನಿಮ್ಮ ಸ್ಮಾರ್ಟ್‌ಫೋನ್‌ನ ಸೆಟ್ಟಿಂಗ್‌ಗಳಲ್ಲಿ, ನೀವು ಸ್ವಯಂ ಸಿಂಕ್ ವೈಶಿಷ್ಟ್ಯವನ್ನು ನಿಷ್ಕ್ರಿಯಗೊಳಿಸಬಹುದು.
Viral Video: ಬಿಯರ್ ವ್ಯಾನ್ ಪಲ್ಟಿ... ಮದ್ಯಕ್ಕಾಗಿ ಮುಗಿಬಿದ್ದ ಜನರು...!
Watch Video: ಕಪಿರಾಯನ ನೂತನ ಕೇಶ ವಿನ್ಯಾಸ ನೋಡಿ! ನೆಟ್ಟಿಗರು ಫೀದಾ!!
ನೀವು ಗೊರಕೆಯ ಸಮಸ್ಯೆಯಿಂದ ಬಳಲುತ್ತಿದ್ದೀರಾ?.. ಇಲ್ಲಿವೆ ಗೊರಕೆ ತಡೆಗಟ್ಟಲು ಕೆಲವು ಸಲಹೆಗಳು.
ಮಲ್ಬರಿ ಹಣ್ಣು ತಿನ್ನುವುದರಿಂದ ಎಷ್ಟೆಲ್ಲಾ ಪ್ರಯೋಜನಗಳಿವೆ ತಿಳಿದಿದ್ಯಾ?